Tleirawl Andreeva-i a champion

Player naupang leh tawnhriat nei tlem zawk ni mah se Mirra Andreeva chuan Indian Wells title a la. Pathianni zing final inkhel hmuhnawmah, Russian tleirawl hian world number 1 Aryna Sabalenka chu a hneh.

Andreeva hi kum 17 mi chauh a la ni, mahse a rilru a paukhauh tawh hle. Belarus nula Sabalenka lakah pawh set a hloh hmasa a, mahse insiam ṭha zuiin 2-6, 6-4, 6-3 in hnehna a chang - WTA 1000 Tour Level title a lak vawi hnihna a ni.

Serena Williams (1999) hnua Indian Wells champion ni thei naupang ber Andreeva chuan, "Aryna hlauhawmzia leh hmachhawn a harsatzia ka hrechiang a, chutiang karah pawh beidawng duh miah loa ka khel thei kha ka lawm," a ti.

Tun season kal laiah Andreeva hian Sabalenka hi vawi hnih ngawt a ngam tawh lo, tun ṭumah pawh hian an sulhnu leh khelh dan chhut chuan chak lo zawk tura rin a ni. Amaherawhchu, Russian tleirawl hian a rilru a huaisen a, nomawi lian dang a la chhunzawm a nih pawhin a mak lo ang.