Inter Milan an kal fal ta

Serie A champion lai Inter Milan chuan an nomawi kawl lai humhim ngei an tum a, kawng dik an zawh. Pathianni zan khan Atalanta chu 2-0 a hnehin a chung berah an dinhmun an sawhnghet.

Inter Milan tan hian Carlos Augusto chuan second half tir lamah goal a khung a, corner aṭangin Hakan Calhanoglu ball pet chu a tauh lut. Minute 81-naah Atalanta midfielder Ederson chu yellow card pahnihna vanga hnawhchhuah a ni, a hnuah Lautaro Martinez chuan an goal hnihna a khung.

Hun tawp dawnah boruak a sang a, Atalanta manager Gian Piero Gasperini chu hnawh chhuah a ngai hial a, chumi hnuah Inter defender Alessandro Bastoni pawhin red card a hmu bawk a, inkhel result erawh a ti danglam tawh lo.

Simone Inzaghi enkawl Inter Milan hian Serie A match 29 an khelh aṭangin point 64 an hmu ta a, an elpui Napoli chu Venezia nen 0-0 in an inhnehtawk a, khelh zat inangah Inter hi point thumin an sang fal ta a ni.

Pathianni zan Serie A inkhel dangah Juventus chu Fiorentina lakah 3-0 ngawtin an tlawm - Thiago Motta leh a naute hian season tharah Champions League khelh ngei an tum a, mahse tuna an khelh dan chhut chuan kawng awlsam a ni dawn lo.