Mayweather-a'n training a tan :

Sepetember 12, 2015 khian Floyd Mayweather-a'n MGM Grand Arena-ah a career-a a inhnek hnuhnung ber neih a tum a, a khingpui tur a la puang lo.

Kum 38-a upa American boxer hian Ningani aṭang khan a inhnek leh tur atan inpuah­chahna a ṭan. May­weather-a tum tur hi la chiang lo mah se Andre Berto chu a khingpui tura rinkai a ni.

Kum 30-a upa Berto hi vawi 33 a inhnek tawhah vawi 30 a chak a, vawi thum a chak lo. Mayweather erawh vawi 48 a inhnek tawhah a la chak vek.

Berto bakah hian Amir Khan, Canelo Alvarez, Timothy Bradley, Keith Thurman leh Kell Brook te chu Mayweather hnek thei tur zinga dah tel an ni.