Sunderland player thar Kaboul

Premier League club Sun­derland chuan Tottenham defender Younes Kaboul chu kum li chhung atan an la lut. An inremna zat hi official a puan­zar ni chiah lo mah se pound maktaduai 3 vel nia ngaih a ni.

Kum 29-a upa Kaboul hian kum 2007 khan Auxerre aṭangin Spurs hi a zawm a, kum 2008 khan Portsmouth-ah chhuak lehin kum 2010 khan Spurs-ah bawk a kir leh. North London club-ah ṭum hnih hun a hman chhungin a club tan hian vawi 140 a inlan hman.

Champions League khelh tum Tottenhman hian defender thar Kaboul an lakluh mek lai hian an defender Santiago Vergini chuan season khat chhung atan loan-in Spanish club Getafe a lo pan ve bawk.

Spurs-a thla 18 a cham chhunga vawi 51 inlan tawh Argentine defender Vergini hi Getafe hian an duh a nih chuan a nghetin an lalut thei ang.

Kum 67-a upa Black Cats manager Dick Advocaat-a'n tun nipui transfer chhungin Kaboul hma hian Adam Matthews, Sebastian Coates leh Jeremain Lens te chu a lo la lut tawh bawk.