Chelsea-in training an Ṭan :

Premier League champion Chelsea chuan Ningani khan Montreal, Canada-ah season thar atana an inpuahchahna hmasa ber an ṭan.

Jose Mourinho hote hian karleh Ningani khian New York Red Bulls an hmachhawn ang a, hemi zawh hian France champion Paris Saint-Germain leh Spain champion Barcelona te an khelhpui leh ang.

August 5 khian pre season atana an match hnuhnung ber an khel ang a, Stamford Bridge-ah Fiorentina an hmachhawn dawn. Inkhel en man hi naupang tan £12 (Rs 1192) a ni a, puitling tan £25 (Rs 2483) a ni.

Chelsea training hmasa berah hian keeper thar Asmir Begovic a tel a, Brazilian midfielder Nathan leh Radamel Falcao te erawh an la tel lo.

Chelsea-in 2015-16 Premier League season-a an jersey hak tur an tlangzarh tawh a, kawr hmaah Yokohama Tyres an tarlang. Jersey hi pre season tour-ah an ha ṭan nghal ang.