Reds player hlui Hall a boral

Liverpool midfielder ṭhin Brian Hall chu Ningani khan leukaemia natna avangin kum 68-a upa niin a boral.

Scottish midfielder Hall hian kum 1968 - 1976 inkar khan Liverpool tan league match vawi 153 a khel a, competition hrang hrangah vawi 224 inlanin goal 21 a khung bawk.

Hall hi football a chawlhsan hnu pawhin Liverpool tan a inhmang reng a, kum 1991 aṭang khan kum 20 chhung chu Liverpool public relation department lamah an hotupa ber niin a hrisel lohna avangin a hna hi a chawlhsan a ni.

Liverpool-a a cham chhunga First division league title vawi hnih, FA Cup leh UEFA cup chawitu hi Liverpool chuan an website lamah a thlahna thuchhuah nen an thlah a, footballer a nih laia a hun hnuhnung hmanna Plymouth Argyle leh Burnley pawhin an player hlui hi an sun thu an tarlang.