Police-in Tomic an man

Ningani zan khan Australian tennis player Bernard Tomic chu Miami Beach hotel-ah Miami Beach Police ten an man.

An man chhan hi Hotel Security laka mawi lo taka a chet vang a ni.

Kum 22-a upa talent nei ṭha tak Tomic hi a nungchang mawi lo tak vangin buaina a lo nei zauh zauh tawh a, an ram tennis thuneitu sang Tennis Australia a sawisel vangin tunah hian Davis Cup khel tura koh pawh a ni ve lo.

World number 25 Tomic hi Miami Beach hotel-ah chawlin midang tana hnawksak khawpin rimawi a ngaithla a; a thil­tih khap tura kal security chu mawi lo taka lo ṭawng­khumin a kut zunglai a lo hmuh bawk.

Miami Beach Police charge sheet-a a lan dan chuan security te hian ṭum thum ngawt a rimawi ngaihthlak hi ti zawi turin thurawn an pe a, mahse thu a awih duh loh avangin an man ta a ni.

ATP Tour vawi hnih champion tawh Tomic hian a hnuah a thiltih chu a thiam loh a nih thu leh a tihsual man chu a tawrh ngei a ṭul thu a sawi.