Kan squad a ṭha tawk - Wilshere

Jack Wilshere chuan season thara Premier League champion ni turin tuna Arsenal squad chu ṭha tawka a hriat thu a sawi.

Gunners hian season hmasa khan League champion Chelsea chu point 12 laiin an phak lo a, an inthlauhna hi a tam angreng hle. Mahse Wilshere chuan Chelsea nen inthlauhna an nei tawh bik loa a hriat thu a sawi bawk.

Kum 23-a upa Eng­land international chuan, "Khawvelah chuan Premier League hi inelna hautak ber pawl a ni ang, a chak ber ni tur phei chuan beih nasat a ngai hle. Kum dangah chuan UEFA Champions League khelh kan ngaih ṭhin avangin a hautak deuh ṭhin a, kuminah erawh nuamsa takin season bul kan ṭan dawn avangin beiseina kan nei sang hle," tiin a sawi.