Swedish Open aṭangin Williams inhnukdawk

Wimbledon 2015 champion Serena Williams chu Swedish Open first round a Ysaline Bonaventure a hneh hnuah kiu hliam vangin a inhnukdawk.

Ningani khan Williams hian first round paltlang mah se second round-a a hmachhawn tur Czech Republic tennis star Klara Koukalova chu a hma­chhawn thei dawn lo a ni.

Kar hmasa mai khan Williams hian Wimbledon-ah Garbine Muguruza hnehin a vawi ruk nan a champion a, chawlh nei loin Swedish Open khel chhunzawm nghal mah se hliam a tuar hlauh a ni.

Kum 33-a upa Williams chuan, "Ka kiu dinglam a nat avangin ka inkhel chhunzawm thei dawn lo. Ysaline nen kan inkhelh lai pawh khan ana ṭan tawh a, tunah chuan inkhelh pui zel chi a ni tawh lo. Ka inenkawl dam phawt anga tennis khel turin ka lo kir leh thuai ang," tiin a sawi.

American superstar Williams hian vawi 21 Grand Slam nomawi chawi tawhin tunah hian Austra­lian, French, US Open leh Wim­bledon champion nomawi a kawl khawm mek a ni.