Vawiin aṭangin Jr Boys Football C'ship

MFA Inter District Junior Boys Football Championship 2024-25 chu vawiin aṭangin Serchhip-ah khelh a ni dawn a, March 28, Zirtawpni thleng a awh ang. Inelnaah hian MFA hnuaia District Football Association 11 an tel thei vek a ni.

Serchhip District Sport Complex-ah inelna hi neih a ni dawn a, group A-ah Kolasib, Mamit, Lawngtlai, Khawzawl, Lunglei leh Siaha te an awm. Group B-ah Champhai, Hnahthial, Aizawl, Serchhip leh Saitual te an awm thung. Group khata team-te hi vawi khat ṭheuh an inkhelh chhuah hnuah a sang pahnihin semifinal an lut dawn.

Semifinal hi March 27, Ninganiah khelh a ni ang a, final hi March 28, Zirtawpniah an khelh leh nghal ang. MFA hnuaia inelnaah hian point inang an awm a nih chuan head to head en ṭhin a ni. Tun ṭum inelna hi kum bithliah inelna a ni a; January 1, 2010 leh December 31, 2011 inkar chhunga piangte tan chauh tel thei a ni.