Marseille-in PSG an dem

Kar tawp Ligue 1 inkhelah Paris Saint Germain ṭantute chuan Marseille midfielder Adrien Rabiot chu nasa takin an auel a, amah mai bakah an chhungkua thlengin an au nawmnah niin Marseille chuan an sawi.

Parc des Princes-a inkhelah PSG hi 3-1 in an chak, an hneh tak Marseille hi Ligue 1 lama an elpui ber an ni mek, an hneh takah chuan an champion leh ngei dawn ni pawhin a lang.

Rabiot chuan mah mai bakah kum 2019 a thi tawh a pa, a chhungte, a nu leh agent Veronique Rabiot thlengin an au nawmnawh niin a sawi a, hemi chungchangah hian club chuan thuchhuah an siam.

Marseille chuan, "Mimal inbeihna nasa tak, a bik takin Adrien Rabiot leh a chhungte an beih dan kha chu pawmzam theih chi a ni lo. Keini chuan Rabiot chhungkua hi kan ṭan tlat a, mimal beitute kan demin a ṭul angin hma kan la ang," an ti.

France midfielder Rabiot hian kum 2012-2019 chhung khan PSG tan hian match 227 a lo khel tawh a, chumi hnuah Juventus a zawm - Old Lady a chhuahsan hnuah nikum nipui lai khan Marseille hi a zawm.