Khawzawlah taekwondo inelna

Mizoram Open Taekwondo Championship 2025 chu nimin aṭang khan khan Khawzawl Vengthar YMA Hall-ah neih ṭan a ni ta a, ram pum huap taekwondo inelna hi vawi 19-na an neihna a ni.

Khawzawl District Amateur Taekwondo Association president K. Lalhmangaihzauva chuan Championship hawnna hi kaihruaiin, inelna hawngtu DC K. Vanlalthiana chuan, "Khawzawlah 19th Mizoram Open Taekwondo Championship 2025 nghah hi a lawmawm hle.

"Championship-ah Mizoram chhung hmun hrang hrang atanga players ṭhahnem tak an tel thei hi a lawm awm a, championship hmachhawn tu zawng zawng te duhsakna ka hlan," tiin a sawi.

Mizoram Open Taekwondo Championship 2025-ah hian Mizorama taekwondo player ṭha leh lar tak tak te an kal khawm a, Khawzawl pawn aṭangin players 150 inlanin, tualchhung player 50 vel an tel bawk.