Arsenal tan Chuba Akpom

Premier League sea­son thar inbuatsaih nan Arsenal chu Singapore-ah Premier League Asia Trophy khelin an zin chhuak a; Nilaini zan khan Chuba Akpom hat-trick hmangin Singha All Star XI an hneh.

Gunners tan England youth international Ak­pom chuan first half-ah goal khat a khung bakah second half-ah goal hnih a khung belh a, mid­fielder Jack Wilshere chuan penalty aṭanga goal khungin North London club hi an chak chiang hle.

Arsenal manager Arsene Wenger-a'n season tharah kum 19-a upa Akpom hi Olivier Giroud leh Danny Welbeck te tha­chhang dawl turin a hmang lo ang tih a sawi theih loh. He inkhelah hian Gunners goalkeeper thar Petr Cech chu khelmualah ala inlan rih lo a ni.