Zidane tluk tum Kondogbia

Inter Milan midfielder Geoffrey Kondogbia chuan Serie A-ah France legend Zinedine Zidane anga sul­­hnu ṭha hnutchhiah a duh thu a sawi.

Kum 22-a upa Kon­dogbia chuan, "Italy-a khelh tawh Zidane, Thierry Henry leh player dangte league dangah an kal a, an hlawhtling hle. Pogba pawh hi hmun dangah kal se a hlawhtling tho ang. Evra pawh ka bia a, ani pawhin Italy-a ka kal chuan khawi league mah a harsa tawh lo ang tih min hrilh. Chuvangin player hlawhtling ni turin Italy-ah Zidane anga sulhnu ṭha hnutchiah a ṭul a ni," tiin a sawi.

Inter hmelma Milan pawhin an sawm thu sawi langin French midfielder chuan, "Milan nen chuan kan inbe ngei a, amaherawhchu Milan CEO Adriano Galliani hnenah ka zawm ang tih ka hrilh lo. Milan-in pawisa tam zawkin min dawr a; mahse Mancini thu­sawiin min hneh a ni," tiin Inter a thlan chhan chu coach Roberto Mancini vang a nih thu a sawi.

Feet ruk leh inches hniha sang Kondogbia hi defensive midifielder a ni a, ram tan vawi li a khel tawh. Talent a neih ṭhat avangin Nerazzurri (Inter sawina) chuan Kondogbia la lut turin hian euro maktaduai 40 zet an seng.