Benitez-a'n tlarhnung ngai pawimawh

Real Madrid manager thar Rafael Benitez chuan kum dang aia tlarhnung an ngaih pawimawh tawh tur thu a sawi.

Nikum season khan Barcelona-in La Liga, Champions League leh Copa del Rey nomawi an chawi laiin Real-in nomawi an chawi an ve lo.

Spanish manager Benitez chuan, "No­mawi chawi theih tawh phawt chu chawi vek ka duh. Real ṭhatna chu tlarhma a ni a, kum­inah chuan kum dang aiin tlarhnung kan ngai pawimawh ang. Chu chu nomawi chawina kawngah a pawimawh a ni," tiin a sawi.

Real hi pre-season tour neiin Aus­tralia-ah an awm mek. Melbourne-ah hian Roma leh Manchester City te nen International Champions Cup an khel ang a, hemi zawh hian China-ah zin lehin AC Milan leh Inter Milan nen friendly match an khel leh ang.