Duhthusam a thleng dik a ni - Mirza

Sania Mirza-i'n a vawi khatna atan Grand Slam title a la a, 2015 Wim­­­ble­don khelh zawh takah khan Martina Hingis nen hmeichhe double-ah champion.

Kum 29-a upa Sania chuan, "Kum 23 chhung kei leh ka chhungten tun din­hmun thleng tur hian theihtawp kan chhuah a ni. Wimbledon-a cham­pion leh world no. 1 nih hi ka duhthusam a ni a, tunah chuan a thleng dik ta. Hlawhtlinna chan zel ka duh a, Grand Slam title tam zawk lak leh; a rei thei ang ber world no. 1 nih ka tum ang," tiin a sawi.

Hyderabad nula Sa­nia chuan a kawppui Hin­gis chungchang sawi­­­in, "Martina hi cham­pion player a ni a, inelna sang­a champion dan hi a hre­chiang a ni. Hun harsaah a thiamna a lang ṭhin a, pressure sangah a talbuai ngai lo," tiin a fak hle.

Hmalam hun chung­chang sawiin Sania chuan, "Kum 2012 khan a vawi thum nan zai ka tawk a, khami zawh kha chuan mimal inelna a tel thei ka ni tawh lo. Hlawhtlinna chang turin thawhrim a ngai a, beiseina sang tak neih a ṭul a, hlawhtlinna kan chang thei tih kan ring ngam bawk tur a ni," tiin a sawi.