Nomawi chawi duhin United ka zawm - Schweini

Manchester United midfielder thar Bastian Schweinsteiger chuan nomawi tam zawk lak belh tuma England a pan thu a sawi.

Kum 30-a upa Schweini chuan, "Man United tana ka khel tur hi ka lawm takzet a, ka tan chuan chawimawina a ni. Chona thar ka hmachhawn dawn a, nomawi lak belh zel hi ka duh a ni. United hian nomawi an lo chawi tawh ṭhin a, kei paw'n ka chawi tawh ṭhin. Nomawi chawi chu ka thil tum chu a ni," tiin a sawi.

Germany captain hian Bayern tana a khelh laiin Bundesliga title pariat, DFB Pokal title pasarih, Champions League nomawi pakhat bakah 2014 World Cup-ah Germany a champion pui bawk.