CONCACAF Gold Cup Mexico leh Trinidad inhnehtawk
Nilaini zan khan CONCACAF Gold Cup group match chu khelh zawh a ni ta; Group C inkhelah Mexico leh Trinidad and Tobago te chu si li ve ve khungin an inhnehtawk.
Bank of America Stadium a inkhelah hian Mexico hian hnehna chang ni se chu group hmahruaitu nih theihna hun an nei; mahse hun tawp ruala Yohance Marshall goal khung hmangin Trinidad-in an siphurh an sut zo a ni.
Mexico tan Paul Aguilar, Carlos Vela leh Andres Guardado ten goal an khung bakah Kenwyne Jones chuan anmahni lamah a ti lut palh bawk. An khingpui Trinidad tan Keron Cummings an goal hnih a khung bakah Kenwyne Jones leh Marshall ten goal khat ve ve an khung bawk.
Trinidad hian group match vawi thum an khelh aṭanga point sarih hmuin hmahruaitu an ni a, an hnuai chiahah hian point nga hmu Mexico an awm bawk.
Inkhel dangah Cuba chuan forward Maykel Reyes goal khat thun hmangin Guatemala chu si khat faiin an hneh a, a vawi hnih nan quarterfinal an inhlangkai ve bawk.
Group A, B, C aṭangin a sang pahnih ṭheuh United States, Haiti, Jamaica, Trinidad, Cocta Rica, Mexico ten knockout round an luh bakah group tina pathumna aṭangin point hmu sang pahnih Panama leh Cuba ten an lut ve bawk a ni.
Quarterfinal fixture
18 July 2015
United States Vs Cuba
Haiti Vs Jamaica
19 July 2015
Trinidad and Vs Panama
Tobago
Mexico Vs Costa Rica