Match hmasa berah Osaka a chak

Tennis inelna Miami Open khelh ṭan a ni a, hmeichhe player ṭha ni ṭhin Naomi Osaka chuan a match hmasa berah Yuliia Starodubtseva chu 3-6, 6-4, 6-3 in a hneh.

January-a khelh Australian Open hnuah Osaka hian chak ni hmel a hmu leh thei mai lo a, hun rei tak hnuah a chak ve leh ta chiah, a match lehpekah chuan seeded 24-na Liudmila Samsonova a hmachhawn ang.

Grand Slam vawi li champion tawh Osaka chuan, "Miami hi ka tan chuan In a ni a, he hmunah hian a rei thei ang ber inkhelh ka duh, chuvangin hmun dang aiin ka tan chuan boruak a danglam.

"A sang thei ang thlen pui ka tum dawn, thlawptu ka neih ṭhat bawk avangin beiseina pawh ka nei sang," tiin a sawi a, fa a neih hnuah tun hma lam boruak la phak leh lo mah se thawhchhuah theih a inring.

WTA 1000 event-ah hian American player Alycia Parks, Czech mi Katerina Siniakova leh Romanian player Sorana Cirstea te pawhin second round an inhlangkai ve bawk a ni.