Hamburg Open khel tur Sinner

Mipa tennis world number 1 Jannik Sinner chuan Germany rama khelh ṭhin Hamburg Open a khel dawn tih a chiang - clay court inelna an neih hunah chuan hremna a hmang zo tawh dawn a ni.

Italian tlangval Sinner hian season hmasa khan damdawi hman phal loh a hmang, hei vang hian hremna a tawk mek - hremna hi May 2 thleng awh tur a ni ang.

Hamburg Open hi May 17-24 chhunga khelh tur a ni a, inelna buatsaihtu lam chuan Sinner tel tur thu hi an puang a, hemi hma hian Italian Open pawh a khel thei dawn nia sawi a ni.

Sinner-a thupuangtu chuan Italian Open leh Hamburg Open te hi French Open inbuatsaih nan hman an tum tih a sawi a, chumi hnuah Wimbledon inbuatsaih nan tournament pakhat Halle Open khelh a tum tih a sawisak bawk.