Neymar inkhel dawn rih lo

Brazil coach Dorival Junior chuan World Cup qualifier khel tur player hming a puang chiang a, an match hmabak pahnih atan Neymar chu telh a ni lo, a taksa dinhmun ngaihtuahin inkhel turin a inpeih rih lo.

Brazilian Football Federation chuan Neymar bakah hian goalkeeper Ederson leh defender Danilo te an tel loh tur thu an sawi a, hetih lai hian Real Madrid player Endrick cho koh zingah a tel thung.

Kum 33 mi Neymar hi hun rei tak chhung chu hliam vangin a inkhel mumal lo, a chawr chhuahna Santos lamah kir lehin match pangngai a khel leh tawh a, mahse ram tana inkhel leh nghal tur chuan a la fit tawk lo niin an sawi.

South American ram 10 inel zingah Brazil hi pangana an ni mek - Zirtawpni zing dar 6:15 hian Colombia an mikhual dawn a, chumi hnuah Argentina hmachhawn turin Buenos Aires an pan leh ang.

South American ram 10 aṭangin a sang zual parukte chu World Cup khel turin an tling nghal dawn a, pasarihna pawhin playoff an khel ang - ram pasarih tan World Cup khelh theihna kawng a inhawng tihna a ni.

Brazil Squad:

Goalkeepers: Alisson Becker, Bento, and Lucas Perri.

Defenders: Alex Sandro, Gabriel Magalhaes, Leo Ortiz, Guilherme Arana, Murillo, Vanderson, Marquinhos.

Midfielders: Andre, Matheus Cunha, Gerson, Estevao, Joelinton, Bruno Guimaraes.

Forwards: Vinicius Jr., Raphinha, Endrick, Wesley, João Pedro, Rodrygo, Savinho.