December thla thleng chawl lailawk dawn
Thawhlehni zan khan World Athletics Association chuan thuchhuah an siam a, an hnuaia inelna awm zawng zawng te chu December thla thleng world ranking atan chhiar a ni dawn lo - Tokyo Olympic qualifier kuminah an nei chhunzawm dawn tawh lo tihna a ni.
WAT chuan, "Tokyo 2020 Olympic khel tur zawnna chu April 6 aṭanga November thla pumhlumin chawlh lailawk rih a ni. Hemi chhunga result leh hnuhma ṭha zawng zawng pawh Olympic tel tur zawn nan chhiar tel a ni lo ang," an ti.
Coronavirus karah inelna buatsaih hleih theih a ni rih lo a, favangah chuan hmun ṭhenkhatah chuan neih theih beisei a ni thung. Heng hun chhunga inelna ami chu an record chhinchhiah a ni dawn tho a, world record leh mimal record pawh siam theih reng a ni tho ang.
World Athletics president Sebastian Coe chuan, "Ruahmanna fel tak kan neih theih nana tha thawhtu hrang hrangte chungah ka lawm. Kan hun tawnin a zir miau loh avangin infiammi lam pawhin thutlukna hi an pawm thiam ka beisei," a ti.
Tokyo Olympic hi nakkum atan sawn hlat a ni a, infiamna khawmpui liana tel tura tling chiang tawhte chu an dinhmun pangngaiah an ding dawn. Hmun ruak luahkhah tur a la awm nual, chung chu qualifying hmanga la zawn leh tur a ni.