NE Chess Festival an ṭan

Mizoram Chess Association (MCA) buatsaih NorthEast Chess Festival 2025 chu nimin khan Tourist Lodge, Chaltlangah khelh ṭan a ni a, ni hnih awh inelna hi vawiin hian zawh a ni nghal dawn. Inelna hi FIDE Rated Rapid & Blitz (a rang chi ve ve) a ni a, NEC sensoa buatsaih a ni.

NorthEast Chess Festival hi Northeast Chess hruaitute K.M. Warjri, Shillong leh Rajib Dhar Gwahati bakah technical buaipuitu Ravi Kant Tiwari, FIDE Arbiter ten an telpui. Player pawh Mizoram pawn aṭangin Aryan Varshney IM (Delhi) bakah Assam, Tripura, Meghalaya leh Nagaland aṭangin an fuan khawm a, Mizoram player nen AICF registered player 115 in inelna hi an hmachhawn. Chess Festival hi Mizoramah a vawi khatna a ni bawk.