Gravenberch a inhnukdawk

Liverpool midfielder Ryan Gravenberch chu Netherlands squad aṭangin a inhnukdawk - Dutch midfielder hi hliam vangin a la inkhel thei lo nia sawi a ni a, a chawlh chen tur erawh hriat a la ni lo.

Netherlands national team chuan thuchhuah siamin, "Newcastle United nen League Cup final an khelh ṭumin Ryan Gravenberch hi a hliam a, chuvang chuan Spain a hmachhawn ve thei dawn lo," an ti.

Dutch boss Ronald Koeman chuan a midfielder aiawh tur hi a ko tawh hran chuang lo a, an ramin Nations League quarterfinal an khelh tur atan a player koh sa te chu a ring tlang ang.

Gravenberch hian season ṭha tak a hmang mek - Liverpool tan inelna hrang hrangah tun season chhungin match 41 a khelhsak tawh a, an match hmabaka Everton nen Merseyside derby an khelh tur atan a dinhmun a chiang ta lo a ni.