Sindhu a chak lo

PV Sindhu tan kum ṭha a ni thei rih lo, beiseina sang tak nan Swiss Open Super 300 khel mah se a match hmasa berah a chak lo nghal a, hneh nei loin a puanthuah a tel a ngai ta a ni.

Olympic medal vawi hnih la tawh Sindhu hian Denmark nula Julie Jakobsen chu 17-21, 19-21 in a hneh lo a, kuminah a zawnin tournament pahniha hneh nei loa a tlakna a ni ta chiah bawk.

India nula chhuanvawr Sindhu a tlak lai hian Priyanshu Rajawat-a erawh a chak a, minute 29 chhung lekin Tobias Kuenzi 21-10, 21-11 in a hneh, a match lehpekah chuan Toma Junior Popov (France) a hmachhawn leh ang.

S Sankar Muthuswamy Subramanian pawhin Magnus Johannesen (Denmark) 21-5, 21-16 in a hneh. Kiran George chuan nasa takin bei mah se Rasmus Gemke (Denmark) lakah 21-18, 17-21, 10-21 in a chak lo thung a ni.