Kyrgios chak ve leh ta

Nick Kyrgios chuan kum hnih chuang hnuah hnehna a chang ve leh ta - Australian tlangval hian Miami Open khelh laiah Mackenzie McDonald chu a hneh.

Nimin zing inkhelah Kyrgios hian set a hloh hmasa, mahse kum 2022 October hnua a chak lehna hmasa ber tawng tur hian 3-6, 6-3, 6-4 in a tho chhuak a ni.

Kum 29 mi Kyrgios hi theihna nei sang leh player beisei awm zinga mi a ni ṭhin, mahse a nungchang ṭha tawk lo leh hliam vangin a thleng sang ta lo a, hmanni lawk pawh khan Indian Wells khel mah se hliam vangin a buai.

Kyrgios chuan, "Tun ang hun thleng tur hian ka nghak rei vang vang hle mai, ka tan chuan hun chhinchhiah tlak tak a ni," a ti. A match lehpekah chuan Russian mi Karen Khachanov a hmachhawn leh ang.

Miami Open inkhel dangah - Gael Monfils, Belgian mi David Goffin, Kazakhstani tlangval Alexander Bublik te chuan an khingpui ṭheuh hnehin second round an inhlangkai ve bawk.