Hockey India-in nuai 75 thawh belh
Covid-19 do nan Hockey India chuan PM Cares Fund-ah cheng nuai 75 a chhung lut leh. India ram chhunga hockey thuneitu sang hian hri leng do nan cheng nuai 25 a lo thawh tawh bawk a, a belhkhawm chuan cheng nuai 100 a thawh tling ta.
Hockey India president Mohd Mushtaque Ahmad chuan, "Hun harsa kan tawng mek a, keini lam chuan theihtawp chhuah ve zel kan duh. Ram mipui hnen aṭangin thlawpna ṭha tak tak kan dawng reng ṭhin a, tun hi an tana kan chet chhuah ve hun chu a ni.
"Thawhhona ṭha kan neih chuan hri leng hi kan hneh theih ka beisei a, kan ṭan rual loh erawh chu tun aia nasa pawh hian min nghawng thei," tiin coronavirus do kawnga ṭanrual a pawimawhzia a sawi bawk.
India mipa leh hmeichhe team hi Tokyo Olympic khel turin an tling tawh a, infiamna khawmpui lian hi nakkum atana sawn hlat a nih tak avangin inbuatsaihna hun an neih rei phah dawn tihna a ni.