Sania Mirza inkhel tluan thei lo

India tennis star Sania Mirza chu Australian Open hmeichhe doubles huangah inlan thei mah se a hliam a, match hmasa ber an khelh laklawh laiin a inhnukdawk - tun season Grand Slam hmasa ber atan a zinkawng 

a tawp.

Doubles world number 1 hlui hi a chawn hliam vangin mixed doubles-ah a inlan duh lo, nimin khan women's doubles-ah inlanin tun hnai maia hlawhtlinna a chanpui Nadiia Kichenok nen an ṭangdun. Mirza te hi Chinese pair Xinyun Han leh Lin Zhu te lakah 2-6, 0-1 in an hnufual a, a hnu lamah Mirza hi a hliam vang hian a inkhel zui thei tawh lo. Training an neihna lam a hliam vang hian a beiseina a thamral phah.