Buttler-a kawr an lilam
Cricket World Cup-a England wicketkeeperJos Buttler-a kawr hak chu £65,100 in an lilam. An pawisa hmuh hi coronavirus do nan hman a ni ang.
Nikum Cricket World Cup kha England leh Wales-in an thleng a, final hmuhnawm takah England leh New Zealand an inhmachhawn. Over 50-ah Kiwis leh England-in run 241 an siam ve ve avangin super over hmangin chak zawk zawn a ni a, run 15 ve ve siam mah se Jos Buttler-a telna England hian four runs vaw hnem zawkin hnehna an chang.