Mane-a'n rilru zau tak a pu
Sadio Mane chuan Liverpool-in coronavirus vanga Premier League nomawi an chawi ta lo a nih pawhin a pawm thiam tur thu a sawi.
Kum 30 hnuah Liverpool-in Jurgen Klopp-a hnuaiah Premier League nomawi an chawi ngei dawn niin a lang a, amaherawhchu Covid-19 vangin chiang tawha ngaih chu a chiang ta lo.
Mane chuan, "Khelmualah hnehna chang ila, nomawi chawi thei ila tih hi ka duhthusam a ni. Amaherawhchu tun ang hunah chuan eng ti zawng pawhin thutlukna siam se ka pawm thiam ang. Liverpool tan a hrehawm dawn a, khawvel hmun tam takah kan tawrh aia nasa tuar hi an awm," tiin rilru zau tak a put thu a sawi.
Liverpool tana season ṭha tak hmangtu Mane chuan, "Nomawi chawi hun hi ka suangtuah nasa ṭhin. Chutihrualin kan chawi ta lo a nih pawhin hnual tur kan ni lo. Season tharah vanneihna nen kan chawi tawh ngei ang," tiin nomawi chawi lo thei an nih thu a sawi.