Mizo cyclist TZ-a a thi

Mizoram Cycling Association (MiCA) chuan nimin khan Eco Fest Cycle Rally an buatsaih a, he rally-ah hian cyclist Lalṭhazuala (TZ-a) chu chesualin a nunna a chan.

MiCA thuchhuahin a tarlan danin TZ-a hi Rangvamual kawng chhuakah BRTF Truck Ashok Leyland nen in su palhin Ebenezer Hospital an pan pui mah se chhan hman a ni ta lo.

Rally hi Mineco Open gym aṭanga tlan ṭanin Sikulpuikawn, Chanmari, Bawngkawn, Sairang road-ah tlan zelin Sahuanah an tawp. MiCA chuan, "Cyclist ṭha tak kan chan ta mai hi pawi kan ti a, a chhungte Pathianin awmpuiin thlamuan se," tiin thuchhuah an siam.

MiCA hian March 20, Ningani khan Durtlang kawng chhoah ECO FEST UpHill Challenge an buatsaih Pangbalkawn tlangval Lalrinsanga (11:33) chu pakhatna niin Vanlalruata, Tuirial (11:52) leh Isaac Vanlalnunpuia, Saitual (13.03) ten an dawt a ni.