Iga Swiatek tan mellung thar

Hmeichhe tennis player ṭha Iga Swiatek chuan Elise Mertens hnehin Miami Open last 16 a lut a, quarterfinal thleng tur chuan Elina Svitolina a paltlang leh a ngai dawn a ni.

Polish nula Swiatek hian seeded 27-na Elise Mertens hi 7-6 (2), 6-1 in a hneh a, WTA 1000 event bikah a zawnin vawi 25 tehmeuh chu last 16 a lut thei ta, kum 2009 aṭang khan chhiar ṭan a ni a, hetiang ti thei hmasa ber hi a ni hial.

Kum 23 mi Swiatek chuan, "Ka tan chuan Miami hi hmun nuam a ni, inkhelh chauh ni loin a chhehvel boruak hi nuam ka ti. Min thlawptu tam tak an awm avangin nuam pawh ka ti zual," tiin a sawi.

Inkhel dangah Emma Raducanu pawh a chak - Britain nula hian McCartney Kessler a hneh, set khatna 6-1 in a la hman a, set hnihna an khelh leh hmain a khingpui chu hliam vangin a inkhel zui thei tawh lo.

US Open champion hlui Raducanu hian a match lehpekah chuan Amanda Anisimova a hmachhawn leh ang. Anisimova hian match dangah Mirra Andreeva chu 7-6 (7-5), 2-6, 6-3 in a lo hneh ve bawk a ni.