talian leh Catalunya GP hun an sawn
I
MotoGP chuan season ṭan hun an pawt hla zel. Italian leh Catalunya Grand Prix te chu Covid-19 vangin an tlan hun tur pangngaiah an tlan thei dawn lo a, sawn hlat niin a hun tur erawh tih chian a la ni lo.
Bike intlansiakna sang ber hi season tir lama an tlan tur panga zet chu a hun sawn hlat a ni tawh a, June thlaa tlan tur Germany leh Assen te pawh dinhmun chiang loah an ding mek.
MotoGP chuan season an hman dan tur hi an thlir nawn leh tur thu an sawi. Thuchhuah siamin, "Hri leng vangin Italian leh Catalunya Grand Prix te chu a hun sawn a ni, inelna ni May 31 leh June 7-a neih tur ni mah se a hun pangngaiah tlan theih a ni lo ang.
"Coronavirus vanga buaina hi a la reh mai dawn lo niin a lang a, tun hnaia a hun sawn tawh French leh Spanish Grand Prix te pawh tlan hun tur hriat a la ni lo, a rang thei ang berin calendar siamṭhat chu tar chhuah a ni ang," an ti.