Aizawl FC coach hlui a thi

Aizawl FC-in I League an champion ṭuma coaching staff zinga mi William Koso chu March 24, Thawhṭanni zan khan Kohima leh Chumukedema/Dimapur inkar lirthei chesualah a thi. Koso hi Nagaland aṭanga AFC A Licence nei hmasa ber a ni a, Aizawl FC pawhin an social media kaltlangin an coach sunna an tarlang.

Mizo club-ah hian Koso hian assistant coach bakah head of youth development hna a chelh a, nomawi engemaw zat a chawipui a ni. Aizawl FC chuan, "Aizawl FC tana a hnathawh hi kan club tan chauh ni loin Mizoram leh Indian football tan a pawimawh hle. Football tana a hnathawh hi ka hre reng dawn a, kan ṭawngṭainaah a chhungte kan hre reng a ni," tiin thuchhuah an siam.