Gopichand-a'n nuai 26 a thawh
India chief national badminton coach Pullela Gopichand chuan Covid-19 do nan hmun thumah pawisa a thawh a, a pawisa thawh belhkhawm hi cheng nuai 26 zet a ni.
Gopi hian Prime Minister Relief Fund atan cheng nuai 11 a thawh a, nuai 10 chu Telangana Chief Minister Relief Fund-ah a pek bakah Andhra Pradesh Chief Minister Relief Fund-ah nuai 5 a chhung lut bawk.
India player ṭha tak tak chher chhuaktu Gopi chuan, "Coronavirus do tur hian sorkar hmalakna ka puih ve hi ka tih tur a ni. Khua leh tui ṭha ni tur chuan thuawih a ngai a, chumi bakah a theih chuan midang ṭanpui a pawimawh tel bawk," a ti.
Badminton inelna neih theih ni rih lo mah se Gopichand hian internet kaltlangin 'online training session' a kalpui reng tho a, a player leh zirlaite chu mahni taksa sawi zawi ṭha turin a chah bawk.
India tlangval badminton khel thiam B Sai Praneeth pawhin cheng nuai li a thawh ve bawk a, March thla khan Rio Olympic silver medalist PV Sindhu pawhin hri leng do nan hian nuai 10 a lo thawh tawh a ni.