World Cup 2026 - UEFA Qualifier

Nakkumah World Cup khelh a ni leh tawh mai dawn a, Europe aṭangin ram 16-in inelna an hmachhawn thei dawn. US, Canada leh Mexico-in an inthlen ṭawm tur inelna hmachhawn tur zawnna hi UEFA hnuaiah neih ṭan a ni a, ram 54-in qualifier hi an khel.

Group 12-ah ram 54 hi ṭhen hran niin, group A-F thleng hi group tinah team pali an awm a, group G-L ah hian group tinah team panga an awm thung. An inkhelh kual hnuah group tina hmahruaitu ṭheuh chu World Cup khel turin an tling.

League round aṭanga tling zo lo, group tina pahnihnate chuan playoff an hmachhawn leh ang a, knockout tournament hmangin hmun ruak pali an inchuh leh dawn a ni.

Europe bikah hian group A-F ten qualifier match an la khel miah lo a, team panga ṭheuh awmna, group G-L ten an khel ṭan tawh thung. England hi group K-ah Albania, Latvia, Serbia leh Andorra te nen an awm ho a, an elpui team-te ngaihtuahin World Cup inpetkaina chance a sang hle.