Inkhelh laiin Iqbal enkawl a ngai

Bangladesh cricket captain hlui Tamim Iqbal chu T20 game an khelh laiin a thawk a buai a, damdawi in pan pui nghal a ni.

Kum 36 mi Tamim Iqbal hian Thawhṭanni khan Mohammedan Sporting Club tan Dhaka Premier League a khel a, inkhelh laiin thawk lamah harsatna a nei, a tirah chuan helicopter hmanga phurh sawn ngai tura ngaih ni mah se, khelmual aṭanga hnai ber KPJ Specialized Hospital an panpui ta zawk.

Bangladesh Cricket Board chuan thuchhuah siamin, "Tamim Iqbal Khan chuan inkhelh laiin harsatna a tawk a, a thisen zam fel lo vangin enkawl mek a ni a, a dinhmun erawh ngaihtuahawm tak a ni tawh rih lo," an ti.

Kum 2007-2023 chhung khan Tamim Iqbal hian Bangladesh tan match 391 ngawt a lo khelhsak tawh a, Bangladeshi batter zingah international match chi hrang pathuma century siam thei awmchhun a ni.