Inter Dist Jr Boys Football C'ship Final-ah Lawngtlai Vs Mamit

MFA Inter District Junior Boys Football Championship 2024-25 final chu vawiin chawhnu dar 2:00 hian Lawngtlai DFA leh Mamit DFA ten an khel dawn. Final hi KL Mizo Production YouTube channel-ah a en theih ang.

Nimin khan Serchhip Sports Complex-ah semifinal khelh a ni a, Lawngtlai DFA leh Serchhip DFA te hun pangngaia 1-1 an inhnehtawk hnuah penalty shootout-ah Lawngtlai DFA an vannei. Inkhel hnuhnung zawkah Mamit DFA-in Saitual DFA 2-1 in an hneh bawk .

Lawngtlaiin inelna thlengtu Serchhip an hneh avangin final-ah inrintawkna nasa tak an nei dawn. Coach Lailianchhunga Chinzah team hian group stage-ah Mamit 3-0 in an hneh tawh a, semifinal-ah penalty shootout hmangin chak mah se final-ah rinkai zawk an ni thei ang.

Mamit hian team ṭha Saitual chu 2-1 in an hneh a, Joel Lalhriatdika'n goal hnih a khung. Rawlthar duhawm Joel hian tun inelnaah goal riat a khung tawh a, Lawngtlai lam pawhin an ven uluk a pawimawh ang. Mamit hi coach Lalchhandama kaihhruai an ni.