Jackson-a'n training a zawm

Chelsea striker Nicolas Jackson chuan hliam vanga a chawlh reng hnuin club training a zawm leh tawh a, London club ṭantute tan chuan an striker-in dam lam a pan leh ta hi chanchin lawmawm a tling ang.

Kum 23 mi striker hian tun season inelna hrang hrangah Blues tan match 24 khelin goal kua a khung a, assist vawi nga a nei bawk. Mahse, February thlatir khan Jackson hi a inhliam a, a inlan leh tawh lo.

Blues hian hliam vangin Marc Guiu, Cole Palmer leh Noni Madueke te an chhawr thei lo a, Mykhailo Mudryk chu damdawi hman phal loh chungchangah hrem mek a ni a, Jadon Sancho lahin beisei a phak lo bawk - an buai ru hle.

Mahse, a hun takah Jackson-a'n club training a zawm leh ta a, Blues ṭantute tan thaw ven khat chu a veng ngei ang. Chelsea hian FA Cup-ah beisei tur an neih tawh loh avangin kartawpah match khelh tur an nei lo a, April 3 zanah Tottenham Hotspur mikhualin an inlan ve leh chauh ang.