Real-ah Asencio a cham dawn

Raul Asencio chuan Real Madrid-a khel chhunzawm zel turin contract thar a ziak dawn a, kum 22 mi centre back hian kum 2029 thleng Santiago Bernabeu-a cham turin contract a ziak ang.

Spanish defender hian Real-ah kum 2029 thleng khel turin contract a nei a, mahse, a contract neih laia a contract pawhsei theihna dan awm chu Real hian tinungin, an academy chhuak defender hi an chelh dawn.

Khawthlang media-te tarlan dan chuan Asencio contract-ah hian euro maktaduai 100-a leichhuah theihna dan ziah tel a ni dawn a, a contract hmasaah khan €50mtd-a leichhuah theih a nih thu ziah a ni thung.

Real hian hliam vangin Eder Militao leh Dani Carvajal te chu tun season-ah an chhawr mumal thei lo a, hemi avang hian a tira hmun chang meuh lo Asencio-a'n hmun a chan phah.

November khan Real tana a match hmasa ber a khel ve chauh a, match 29-ah ngawt Real tan a inlan tling der tawh. Real hian an defender hi an chelh dawn tih a chian rualin, a hlawh pun dan tur leh player-in hamṭhatna a dawn turte chu an la sawipui leh dawn a ni.