South Korea khelmual enfiah dawn

Son Heung-min chuan an rama World Cup qulifier an khelh ṭumin an che ṭha tawk lo tih a sawi a, an khelh ṭhat tawk loh chhan hi khelmuala phul phah a ṭha tawk lo niin a sawi bawk.

South Korea sports thuneitu lam chuan Son-a thusawi hi an ngai pawimawh hle a, sorkar thuneitu lamain khelmual an endik dawn tih an sawi nghal a ni.

FIFA World Cup Asian qualifier khelh laiah South Korea hi group B hmahruaitu an ni mek a, dinhmun hlauhthawnawm an ni lo, an khelh hmabak pahnih la awmah point khat lek an hmuh belh a nih pawhin an tling dawn.

Mahse, Korea tan World Cup khelh phak hrim hrim hi lungawina tur a ni lo. A bik takin mikhual an thlen hnuhnung palia vawi khat chiah an chak avangin an chetṭhat loh chhan hi an hriat chhuah a ngai a ni.