Round hnih chiah khelh tur a awm ta

I League-ah round hnih chiah khelh tur a awm tawh a, vawiin tlai dar 4:30 hian Rajasthan FC-in table mawngphaha awm Delhi FC an mikhual ang. Delhi hian point 13 chauh an la hmu a, a him china awm SC Bengaluru an umphak theih tawh loh avangin an relegate tawh.

Delhi khingpui tur Rajasthan FC hi panganaah an awm mek a, an relegate thei tawh lo a, an champion thei tawh lo. Chutihrualin Rajasthan tan pathumnaa season khar tan kawng a la awm a, a ṭha thei ang bera season khar an duh ang.

I League aṭangin team pahnih an relegate dawn a, Delhi FC hnung zui tur a la chiang lo - Aizawl FC emaw SC Bengaluru emaw an tla tel dawn. Relegation battle vangin Mizoten I League an ngaihven ṭha leh a, champion tur inum boruak a nung ṭha viau bawk.