Taekwondo exam an bei

Mizoram Amateur Taekwondo Association buatsaih 1st Session Colour Belt Exam chu Electric Veng YMA Hall-ah nimin khan buatsaih a ni a. Club pakua aṭangin Taekwondo zirlai 142-in exam tha takin an paltlang.

Belt exam-ah hian Physical Fitness, basic technique, hand & leg technique, poomsae, self Defence, sparring, breaking, speed endurance te an exam. Chief examiner Vanlalmawipuia, 2nd Dan black belt ho in World Taekwondo Federation black belt pali- Albert Lalrinfela, H.Vanlalfela, Vanlalthlenga, R. Lalbiaknuami ten uluk takin an endik a ni.

Exam zinga tiṭha ber chu Adriana Rosangpuii, Electric Veng Aizawl Taekwkndo Academy niin exam zinga nuapang ber chu Jimmy Lalrintluanga Ralte Electric Veng, Aizawl Taekwondo Academy zirlai a ni a, kum 5 leh ni 19 mi niin Yellow belt a exam a ni.

Aizawl exam hi hmun hrang hrangah kalpui a ni dawn a. Tuna exam te hi Aizawl chhuahlam club te niin Aizawl tlak lam te hi April thla hian an exam ve thung ang.

Kumin atana Colour Belt exam session thawh khatna hi March leh April thla chhunga neih tur a ni a. District dangte pawhin exam hi an kalpui mek a ni.