Lucknow Super Giants an chak nuamsa

Indian Premier League-ah Ningani zan khan Lucknow Super Giants-in Sunrisers Hyderabad wicket ngain an hneh a, ball 23 an dah bang. Nizanah match hmasa bera chak ve ve Royal Challengers Bengaluru leh Chennai Super Kings te an inkhel a, hemi hma zawng hi chuan match hnih khelha chak ve ve an la awm lo.

Rajiv Gandhi International Stadium, Hyderabad-ah Sunrisers-in 190/9 runs chauh an siam a, Shardul Thakur-a'n 34 runs siamin wicket li a la a, a che ṭha hle. Super Giants tan opener Mitchell Marsh-a'n 52 runs siamin Nicholas Pooran-a'n 70 runs a siam bawk a, over 16.1 lekah 193/5 runs siamin hnehna an chang.

Zanin dar 7:30 hian Gujarat Titans leh Mumbai Indians te an inkhel dawn. March 30, Pathianni tlai dar 3:30 hian Delhi Capitals leh Sunrisers Hyderabad te an inkhel ang a, Rajasthan Royals leh Chennai Super Kings te dar 7:30-ah an inkhel leh ang.