Sabalenka hmachhawn tur Pegula

Hmeichhe tennis world number 1 Aryna Sabalenka chuan Miami Open final a lut - nimin zing semifinal inkhelah Sabalenka hian Jasmine Paolini hnehin semifinal a paltlang.

Seeded pakhatna Sabalenka hian Italian player hi 6-2, 6-2 in a hneh a, nomawi inchuhna inkhelah chuan Jessica Pegula nen an intawng zui leh ang, tawnhriat nei ṭha pahnih an nih avangin inkhel a hmuhnawm dawn.

Sabalenka chuan, "A vawi khat nan Miami Open final ka khel dawn a ni a, tournament ka khelh danah ka lawm takzet a ni. A nihna tak sawi chuan tun season ka match khelh tawh hoah chuan tun ṭuma mi hi a ṭha ber a la ni," tiin a sawi.

Semifinal inkhel dangah Pegula hian darkar hnih leh miniute 24 chhungin Alexandra Eala chu 7-6 (7/3), 5-7, 6-3 in a hneh a, nomawi chawi tur chuan Sabalenka a hneh a ngai dawn tihna a ni a, hna a awlsam dawn lo hle.