Lakers hnehtu Bulls

Hun tawp dawna Josh Giddey-a basket neih hmangin Chicago Bulls chuan Los Angeles Lakers chu 119-117 in an hneh a, chak lo zawk tura ngaih kha a tawpah mak takin an tho chhuak.

United Center-a inkhelah Bulls hi hun tawp hma second 13 chauh a awm tawh tihah point nga in an hniam zawk, mahse 3-points an neih hnuah basket nei zui lehin an lehthak daih.

Bulls chakpuitu Giddey-a'n point 25 a neih bakah rebound vawi 14 lain assist ṭum 11 a nei bawk–NBA regular season kal laiah triple-double a neih vawi hnihna a ni nghal bawk.

Inkhel dangah Oklahoma City Thunder chuan Memphis Grizzlies chu 125-104 in an hneh a, regular season an hman mekah vawi 61 chak tling tawhin an chak tam ber ṭum an tawng mek a ni.