Entry pe hmasa ber Mualpui

CYMA leh MFA ṭangkawpin May 6, 2025 aṭangin LBS Suzuki 22nd Inter Branch YMA Football Tournament an buatsaih dawn a, entry fee pe hmasa ber chu Mualpui Branch YMA, ITI Veng a ni. Entry Fee hi Rs. 1,000 a ni a, Central YMA Office emaw GPay hmangin 9774263515-ah a pek theih.

Entry fee hi April 25, 2025 ral hma thleng a pek theih. Inelna pet hawnna hi April 29, Thawhlehni zan dar 8:00 hian CYMA Hall-ah neih a ni ang. CYMA Football-ah champion lai chu Venghnuai an ni a, kum 2023 final-ah Tlangnuam an hneh.