TT inelna lian an zo fel

Mizoram Table Tennis Association Tournament (MTTA) hnuaia inelna lian leh ngaihhlut - 39th Mizoram State Table Tennis Championship chu March 28, Zirtawpni khan MTTA Hall, Mission Vengah khelh zawh a ni.

Inelna ngaihhlut hlawh mipa singels huangah Alberto LR Ruata chuan player ṭha bik Jeho Himnakulhpuingheta chu 4-2 a hnehin a champion a, hmeichhe singles lamah Caroline Malsawmkimi chuan Lalthansangi Sailo chu 4-2 a hnehin a champion bawk.

Techmaze player Caroline Malsawmkimi hian hmeichhe singles balah under 17 leh under 19 title a la bawk a, tun inelna neih zawh takah chuan hmeichhe huang lam a thunun hneh hle.

Mizoram State Table Tennis Championship-ah hian category hrang hrang 15-ah inelna neih a ni a, Mizoram hmun hrang hrang District Table Tennis Association panga aṭangin infiammi 217 ten tournament hi an khel a ni.