Reliance Inter Dist Tourney a ṭiak ta

Reliance Naupang League pual Inter District Tournament chu March 25, Thawhlehni aṭang khan RG Stadium-ah khelh ṭan a ni a, March 28, Zirtawpni zan khan a kharna hun hman a ni.

Under 12 final-ah Aizawl Best of the Rest-in Champhai BOR chu 4-0 in an sawp a, Under 14 final-ah Aizawl BOR leh Champhai BOR bawk inkhelin hun pangngaiah 0-0 niin penalty shootout-ah Aizawl BOR 8-7 in an vannei.

Inter District-ah hian district pali Aizawl, Champhai, Kolasib leh Lunglei aṭangin team pali (U12 leh U14-ah pahnih ve ve) ṭheuh an tel a, heta che ṭha naupang 30 (2012-a piang) te chuan an senso zawng zawng Reliance tum vekin Mumbai-ah trial an nei ang.

Naupang League hi season thumna a ni a, Reliance hotute Naupang League-a hmasawnna an hmuh avangin an lawm a, an phur hle bawk.