Bayern chakna Sane

Leroy Sane-a goal hnih hmangin Bayern Munich chuan St Pauli chu 3-2 in an hneh a, coach Vincent Kompany leh a nauten Bundesliga nomawi an beisei mek chu an hnaih zel.

Inrinni zan khan Allianz Arena-ah Bavarians tan striker Harry Kane chuan goal hmahruai a khung a, chawlhlawk hmain Elias Saad chuan a sut a, 1-1 in chawlhlawk an hmang.

Second half-ah Bundesliga hmahruaitu tan Sane chuan goal hnih a khung a, hun tawp dawna Lars Ritzka goal khungin awmzia a nei phak tawh lo, mualneitu lamin point thum hlu tak an hlawh chhuak.

Kompany-a leh a naute hian league match 27 aṭangin point 65 an hmu a, champion lai leh anmahni hnaih bertu ni bawk Bayer Leverkusen lakah point rukin hma an hruai fal mek a ni.